قا لو يا لعما آش تحب قا لو شكارة مالعينين

أووه عالد نيا  كيف الدور،  البارح فالأيام الدنيا عندي
 ماني مستحقة حتي حد أموري ماشية فالبين
 زين و عين و صحة و بدن عاتية للدنيا مشتة
أما أنا الماء يجري تحت سقيا و الداء ساري فيا
الأمراض الكلها عندي روماتيزم،زروس،سكر، دم،شقيقة......
حالي حال هالبلاد ماشي في بالنا أومورنا هانية
ياخي تلعنا مالبرة الله الله و من داخل يعلم الله
أما الله يرحم الوالدين و الأ خوة والأحباب والأصحاب
دزوني دزان باش نمشي للطبيب و كل واحد عاون بجهدو
أما أنا بعد مدة عييت مالدواء و الطبة و رخيت
صحيح الوجايع نقصت ملي نحيت زروس لعقل المسوسة
أما مازال مرضي مطول و الدواء أطول وليت رخيتلو و
رجعت للسهرية و الدخان و هات ماك الاوية
للي طحت دخت هزوني للصبيطار قالي لازمك عملية
 موش لازم نقول اش طلع عندي و لازم نهار23  أكتوبر منفوتوش
لازم نعمل عمليتي هيا النتيجة ماهاش مضمونة أما تنقص عليا
و بعد إنشوفو كان إنعاود عملية و إلا نعاود إنحي شوية زروس
أما لازم العباد إلي وقفت معايا تزيد تكمل و يتبرعولي بشوية دم
بشوية دم 
أمان إفهم روحك  ازح برة قيد برة قيد
 للإنتخابات راهي بلادك ماشية في هاوية
قوم بواجبك و بعد يعمل الله دليل
أما توا برة قيد يا مقود